பட்டப்பகலில் பர்தா அணிந்து திருடிய பெண்கள்; மடிக்கி பிடித்த பொதுமக்கள்!

பெரம்பலூர்: பர்தா அணிந்து பட்டப்பகலில் வீட்டில் திருடிய பெண்ணை பொதுமக்கள் விரட்டி பிடித்து காவல் துறையினரிடம் ஒப்படைத்தனர்.

பெரம்பலூரை அடுத்துள்ள குரும்பலூர் பேரூராட்சியில் கீழ வீதியில் பள்ளிவாசல் அருகே குடியிருக்கும் ஜரீனா பேகம், கலாவதி, சரஸ்வதி, சாந்தா ஆகிய நான்கு பேர் வீட்டில் ஆளில்லாத நேரத்தில் பட்டப்பகலில் அடையாளம் தெரியாத மூன்று பெண்கள் பர்தாஅணிந்து திருடியுள்ளனர்.

அப்போது கலாவதி என்பவரது வீட்டில் திருட முயன்ற பெண்ணை பொதுமக்கள் விரட்டி பிடித்தனர். இது குறித்து தகவல் அறிந்த உடன் இருந்த இரண்டு பெண்கள் ஜரீனா பேகம் என்பவரது வீட்டில் திருடிய 5 பவுன் நகை மற்றும் 50 ஆயிரம் ரொக்க பணத்துடன் தப்பி ஓடி சென்றுள்ளனர்.

அதில் ஒரு பெண்ணைகிராம மக்கள் மடக்கி பிடித்தனர். விசாரித்ததில் அவர் சம்சாத் பேகம் என்பது தெரியவந்துள்ளது. தகவலின்பேரில் சம்பவ இடத்திற்கு வந்த பெரம்பலூர் காவல் துறையினர்,அப்பெண்ணை கைது செய்து விசாரணைக்கு அழைத்து சென்றனர்.

பட்டப்பகலில் பர்தா அணிந்து 3 பெண்கள் கிராம பகுதியில் புகுந்து திருடிய சம்பவம் அப்பகுதி மக்களிடையே பெரும் பரபரப்பை ஏற்படுத்தியுள்ளது.