லாரி மீது இருசக்கர வாகனம் மோதி ஒருவர் உயிரிழப்பு!

பெரம்பலூர்: குன்னம் அருகே லாரி மீது இருசக்கர வாகனம் மோதிய விபத்தில், பெட்ரோல் பங்க் ஊழியர் உயிரிழந்த சம்பவம் அப்பகுதியில் சோகத்தை ஏற்படுத்தியுள்ளது.

பெரம்பலூர் குன்னம் அருகேவுள்ள சடைக்கண்பட்டி கிராமத்தைச் சேர்ந்தவர் ராஜ்குமார். இவர் பெரம்பலூரில் உள்ள பெட்ரோல் பங்கில் வேலை செய்து வருகிறார். இந்நிலையில் இவர் இன்று (செப்.26) காலை வழக்கம் போல் வேலைக்கு தனது இருசக்கர வாகனத்தில் சென்றுள்ளார்.

குன்னம் அருகே வந்து கொண்டிருக்கும் பொழுது, மன்னார்குடியிலிருந்து பெரம்பலூர் நோக்கி வந்த லாரியின் மீது எதிர்பாராத விதமாக மோதியுள்ளார். இந்த விபத்தில் பெட்ரோல் பங்க் ஊழியர் ராஜ்குமார் சம்பவ இடத்திலேயே உயிரிழந்தார்.

தகவலறிந்து சம்பவ இடத்திற்கு வந்த குன்னம் காவல்துறையினர், உயிரிழந்த ராஜ்குமாரின் உடலை மீட்டு உடற்கூறாய்வுக்காக பெரம்பலூர் அரசு மருத்துவமனைக்கு அனுப்பி வைத்தனர். மேலும் விபத்து குறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.

இதையும் படிங்க:மாற்று சமூக பெண்ணுடன் திருமணம் - மகனை கடத்தி தாக்கி மொட்டை அடித்த குடும்பத்தினர்