பெரம்பலூர் மாவட்டம் வேப்பந்தட்டை வட்டம் அரும்பாவூர் கிராமத்தில் உள்ள அங்காள பரமேஸ்வரி திருக்கோயிலில் இன்று மயானக் கொள்ளை திருவிழா வெகு விமரிசையாக நடைபெற்றது. இந்தத் திருவிழாவிற்காக மாவட்டம் முழுவதும் ஆயிரக்கணக்கான பக்தர்கள் திரளாகக் கூடினர்.
இதனிடையே அரும்பாவூர் இஸ்லாமிய இளைஞர் மன்றத்தினர் பொதுமக்கள், பக்தர்கள் ஆகியோருக்குத் தாகம் போக்க தண்ணீர் பந்தல் அமைத்து நீர், மோர், பழச்சாறு ஆகியவற்றை வழங்கினர். இஸ்லாமிய இளைஞர்களின் இந்த முயற்சிக்கு மக்கள் மத்தியில் பாராட்டுகள் குவிந்துவருகின்றன.