பெரம்பலூர் அருகே உள்ளது நெடுவாசல் கிராமம். இந்த நெடுவாசல் கிராமத்தில் பெரம்பலூர் நகராட்சியில் குப்பை கிடங்கு மற்றும் கழிவுநீர் சுத்திகரிப்பு நிலையம் உள்ளது. இதனிடையே பெரம்பலூர் துறைமங்கலம் ஏரியில் உபரி நீரானது நெடுவாசல் வழியாக செல்லும் மருதையாறு மூலம் பல்வேறு கிராமங்களுக்கு விவசாய பணிகளுக்காக பயன்படுத்தப்பட்டுவந்தது.
நிலத்தடி நீரில் கழிவுநீர் கலப்பது
இதனிடையே நகராட்சி நிர்வாகத்தின் கழிவுநீரால் தற்பொழுது மருதை ஆற்றில் கழிவு நீர் கலக்கும் அபாயம் ஏற்பட்டுள்ளது. மேலும் நெடுவாசல் கிராமத்தில் விவசாயிகள் மற்றும் பொதுமக்கள் பல்வேறு முறை மனு அளித்தும் எந்த நடவடிக்கையும் எடுக்கப்படாமல் நகராட்சி நிர்வாகத்தினர் தொடர்ந்து கழிவு நீரை ஆற்றில் திறந்துவிட்டு வருகின்றனர் என்று பொதுமக்கள் வினவுகின்றனர்.