திமுக முன்னாள் எம்.எல்.ஏ.வின் உடல் திருச்சி மருத்துவக் கல்லூரிக்கு தானம்!

பெரம்பலூர்: திமுக முன்னாள் எம்.எல்.ஏ. டாக்டர் மு. தேவராஜன் இன்று காலை உடல்நலக்குறைவு காரணமாகக் காலமானார்.

பெரம்பலூர் மாவட்டம் அம்மாபாளையம் அருகே உள்ள களரம்பட்டி என்ற கிராமத்தில் பிறந்தவர் தேவராஜன். கடின உழைப்பு காரணமாக மருத்துவத் துறையில் தடம்பதித்து மருத்துவரான இவரை, 'திமுகவின் அடித்தளம்' என்று திமுக நிர்வாகிகள் அழைத்தனர்.

1996 முதல் 2001 வரை பெரம்பலூர் தொகுதி திமுக எம்.எல்.ஏ.வாக செயல்பட்ட இவர், உடல் நலக்குறைவு காரணமாக இன்று காலை காலமானார். அவரது உடலுக்கு திமுக முக்கியப் பிரமுகர்கள், மருத்துவர்கள், பொதுமக்கள் எனப் பலரும் அஞ்சலி செலுத்தினர்.

அவரது உடல் பெரம்பலூர் புதிய பேருந்து நிலையம் அருகில் உள்ள அவரது இல்லத்தில் வைக்கப்பட்டுள்ளது. மேலும் இன்று மாலை பொதுமக்கள் அஞ்சலி செலுத்திய பிறகு திருச்சி அரசு மருத்துவக் கல்லூரிக்கு அவரது உடல் தானமாக வழங்கப்படவுள்ளது குறிப்பிடத்தக்கது.

இதையும் படிங்க: உள்ளாட்சித் தேர்தல் - திமுக திடீர் வழக்கு!