தேசிய விளையாட்டு போட்டிகளில் பதக்கம் வென்றவர்களுக்கு ஊக்கத் தொகை

பெரம்பலூர்: தேசிய, சர்வதேச விளையாட்டுப் போட்டிகளில் பதக்கங்கள் வென்ற மூன்று வீராங்கனைகளுக்கு மாவட்ட ஆட்சியர் ஊக்கத் தொகை வழங்கினார்.

பெரம்பலூர் மாவட்டத்திலிருந்து 64ஆவது தேசிய அளவிலான பள்ளிகளுக்கு இடையே நடைபெற்ற போட்டிகளில் கலந்துகொண்டு பவானி, கிருத்திகா, சபிதா ஆகிய 3 மாணவிகள் வெண்கலப் பதக்கம் வென்றனர். இவர்களுக்குப் பாராட்டு தெரிவிக்கும் நிகழ்ச்சி மாவட்ட ஆட்சியர் அலுவலகக் கூட்ட அரங்கில் நடைபெற்றது.

பதக்கம் வென்ற மூன்று மாணவிகளுக்கும் தலா ரூபாய் ஒரு லட்சம் வீதம் ரூபாய் 3 லட்சம் பரிசுத் தொகையினை மாவட்ட ஆட்சியர் ஸ்ரீ வெங்கட பிரியா பெரம்பலூர் சட்டமன்ற உறுப்பினர் தமிழ்ச்செல்வன் முன்னிலையில் வழங்கினார்.

இந்தநிகழ்வில் மாவட்ட முதன்மை கல்வி அலுவலர் மற்றும் விளையாட்டு விடுதி மேலாளர் மற்றும் பலர் கலந்து கொண்டனர்