ரேஷன் அரிசி ஏற்றிச் சென்ற வேன் கவிழ்ந்து விபத்து!

நாமக்கல்: ரேஷன் அரிசி ஏற்றிச் சென்ற வேன் கவிழ்ந்து விபத்துக்குள்ளானதில், படுகாயமடைந்த ஓட்டுநர் மருத்துவமனையில் அனுமதிக்கப்பட்டுள்ளார்.

நாமக்கல்லிலிருந்து பரமத்தி நோக்கிச் சென்ற சரக்கு வேன் ஒன்று காவேட்டிப்பட்டி அருகே ஓட்டுநரின் கட்டுப்பாட்டை இழந்து சாலையின் நடுவே கவிழ்ந்து விபத்துக்குள்ளானது. இதில், ஓட்டுநர் காயமடைந்த நிலையில் வேனில் இருந்த அரிசி மூட்டைகள் சாலையில் சிதறி நாசமாயின.

படுகாயமடைந்த ஓட்டுநர் சிகிச்சைக்காக தனியார் மருத்துவமனையில் அனுமதிக்கப்பட்டார். இது குறித்து தகவலறிந்து சம்பவ இடத்திற்கு வந்த காவல்துறையினர், சாலையில் கவிழ்ந்த வேனை அப்புறப்படுத்தி விசாரணை மேற்கொண்டனர். அதில், வேனில் ஏற்றிச் சென்ற இரண்டு டன் ரேஷன் அரிசி கோழிப்பண்ணைக்கு கடத்திச் செல்லப்பட்டது தெரியவந்தது.

மேலும், தனியார் மருத்துவமனையில் சிகிச்சைப் பெற்றுவந்த ஓட்டுநர், அங்கிருந்து தப்பிச் சென்றதாக காவல்துறையினர் தரப்பில் கூறப்படுகிறது.

இதையும் படிங்க:ரேசன் கடையில் பொருள் வாங்க வீடு வீடாக டோக்கன் விநியோகம்!