நாமக்கல்:தமிழ்நாடு கள் இயக்க ஒருங்கிணைப்பாளர் நல்லசாமி இன்று நாமக்கல்லில் செய்தியாளர்களிடம் பேசினார். அப்போது, இந்தியாவின் 70 விழுக்காடு சமையல் எண்ணெய் இறக்குமதி செய்யப்பட்டு அதற்கு மானியம் வழங்கப்பட்டுவருகிறது. அதேசமயம் உள்நாட்டில் உற்பத்தி செய்யப்படும் கடலை எண்ணெய், நல்லெண்ணெய், கடுகு எண்ணெய் உள்ளிட்ட பொருட்களுக்கு முக்கியத்துவம் இல்லை.
மத்திய அரசு அண்மையில், கொண்டு வந்த மூன்று வேளாண் சட்டங்களால் விவசாயிகளுக்கு எந்தப் பலனும் இல்லை. அதேபோல், மிகப்பெரிய தீமையும் இல்லை. இச்சட்டங்களை வைத்து ஆளும் கட்சியும், எதிர் கட்சியும் விவசாயிகளை குழப்பி ஆதாயம் தேடுகின்றன. சம்பள கமிஷன் பரிந்துரையை அரசு அமல்படுத்துவது போல் விவசாய கமிஷனின் பரிந்துரையையும் உடனடியாக அரசு அமல்படுத்த வேண்டும்.
ஆளும்கட்சி, எதிர்க்கட்சிகள் வேளாண் சட்டங்களை வைத்து மக்களை குழப்புகின்றன