நாடு முழுவதும் முழு ஊரடங்கு உத்தரவு பிறப்பிக்கப்பட்டுள்ளது. இதனால் அத்தியாவசிய தேவைகளுக்கு மட்டுமே மக்கள் வெளியே வர வேண்டும் என மத்திய மாநில அரசுகள் வலியுறுத்தியுள்ளன. மேலும் அத்தியாவசியப் பொருள்களை எடுத்துச் செல்லவும் நோய் தடுப்புப் பணிகளில் ஈடுபட அரசு அலுவலர்களுக்கு மாவட்ட ஆட்சியர் கையொப்பம் பெற்ற அடையாள அட்டையும் வழங்கப்பட்டுள்ளது.
இந்நிலையில் நாமக்கல் மாவட்டம் சேந்தமங்கலம் அடுத்த கொல்லிமலை அடிவாரமான காளப்பநாயக்கன்பட்டியில் மூவருக்கு கரோனா தொற்று உறுதி செய்யப்பட்டது. இதன் காரணமாக கொல்லிமலையைச் சேர்ந்த 14 ஊராட்சிகளைச் சேர்ந்த ஊராட்சி மன்றத் தலைவர்கள் கொல்லிமலைக்கு எவ்வித வாகனங்களும் வருவதை அனுமதிக்கக்கூடாது எனவும் பலர் மாவட்ட நிர்வாகத்தின் சார்பில் வழங்கப்பட்டதாகக் கூறி போலி அடையாள அட்டையை வாகனங்களில் ஒட்டி மலைக்கு வருவதாகவும் கூறினர்.
வாகனங்கள் வருவதை தடை செய்ய கோரிக்கை