நாமக்கல்: நாமகிரிப்பேட்டை பேரூராட்சிக்கு நடைபெறும் தேர்தலை முன்னிட்டு வாக்குச்சாவடி அலுவலர்களுக்கு நேற்று (ஜன. 31) முதற்கட்ட பயிற்சி வகுப்பு நாமகிரிப்பேட்டை அரசு ஆண்கள் மேல்நிலைப்பள்ளியில் நடைபெற்றது.
இந்த பயிற்சி வகுப்பில் நாமகிரிப்பேட்டை, சீராப்பள்ளி, ஆர். புதுப்பட்டி, பிள்ளாநல்லூர், பட்டணம் ஆகிய பேரூராட்சி பகுதி வாக்கு சாவடிகளில் பணியாற்றும் 297 அலுவலர்களுக்கு காலை 9 மணி முதல் மாலை 5 மணி வரை நடைபெறும் என்று தெரிவிக்கப்பட்டது.
டிமிக்கி கொடுத்த ஆசிரியர்கள்
அதன்படி வகுப்பு நேற்று தொடங்கியது. இதனிடையே நாமக்கல் மாவட்ட ஆட்சியர் ஸ்ரேயா.பி.சிங் மதியம் 12 மணியளவில், பயிற்சி வகுப்பில் திடீர் ஆய்வு நடத்தினார். அப்போது, இருக்கைகள் காலியாக இருந்ததை கண்ட ஆட்சியர் சந்தேகமடைந்து வருகைப் பதிவேட்டை சரிபார்த்தார். அப்போது ஒவ்வொரு வகுப்பிலும் 5 முதல் 10 பேர் கையெழுத்திட்டு விட்டு பயிற்சி வகுப்பில் பங்கேற்காமல் டிமிக்கி கொடுத்தது தெரியவந்தது.
இதுகுறித்து ஆட்சியர் கேள்வி எழுப்புகையில் அலுவலர்கள், வயிற்று வலி என்றும், சிலருக்கு கரோனா என்றும், சிலர் பக்கத்து அறையில் உள்ளார்கள் என்றும் சாக்கு போக்குகளை சாமளிக்க முயன்றனர்.