நாமக்கல் மாவட்டம் பரமத்தி வேலூர் அருகேயுள்ள கபிலர்மலை ஊராட்சி ஒன்றியத்திற்குட்பட்ட சேளூர் ஊராட்சி மன்றத் தலைவர் பதவிக்கு சுப்பையம்பாளையத்தைச் சேர்ந்த பா.ரோகிணி (21) என்பவர் ஊராட்சி மன்றத் தலைவராக வெற்றிப்பெற்றுள்ளார். இவர் பட்டம் பெற்று விவசாயம் செய்துவருகிறார். இவருக்கு சதீஸ்ராஜன் என்பவருடன் திருமணம் முடிந்து ஒன்றரை வயதில் சம்யுதா என்ற பெண் குழந்தையும் உள்ளது.
இந்நிலையில்,தேர்தல் முடிவு குறித்து செய்தியாளர்களிடம் பேசிய அவர், ’சேளூர் கிராமத்தைச் சேர்ந்த மக்கள் அறிவுறுத்தலின் பேரில் இறுதி நாளில்தான் வேட்மனு தாக்கல் செய்தேன்.
தற்போது ஊராட்சி மன்றத் தலைவராக வெற்றி பெற்றுள்ளது மட்டற்ற மகிழ்ச்சியைத் தருகிறது. எனவே இனிவரும் காலங்களில் சேளூர் ஊராட்சி மக்களுக்கு பல்வேறு திட்டங்களை செயல்படுத்துவேன்’ என்றார்.
ஊராட்சி மன்ற தலைவியான பெண்