நாமக்கல் மாவட்டத்தில் சமீபத்தில் இரண்டு லாரி ஓட்டுநர்களுக்கு கரோனா தொற்று உறுதியான நிலையில், லாரி ஓட்டுநர்களுக்கு நோய் தடுப்பு முன்னெச்சரிக்கை நடவடிக்கைகள் மேற்கொள்வது குறித்த ஆலோசனைக் கூட்டம் மாவட்ட ஆட்சியர் அலுவலகத்தில் நடைபெற்றது.
இதில் மின்சாரத் துறை அமைச்சர் தங்கமணி, சமூகநலத் துறை அமைச்சர் சரோஜா, மாவட்ட ஆட்சியர் மெகராஜ், லாரி உரிமையாளர்கள் சங்க நிர்வாகிகள் பங்கேற்றனர்.
கூட்டத்தில் வெளிமாநிலங்களுக்குச் சென்றுவந்த லாரி ஓட்டுநர்களை தனிமைப்படுத்துதல், லாரிகளில் கிருமி நாசினி தெளிப்பது, புதிய நபர்களை லாரியில் ஏற்றக்கூடாது உள்ளிட்ட வழிமுறைகள் குறித்து விவாதிக்கப்பட்டது.
மாவட்டத்தில் உள்ள 22 ஆயிரம் லாரி ஓட்டுநர்களுக்கும் கரோனா குறித்து விழிப்புணர்வு ஏற்படுத்துவதோடு, வெளிமாநிலங்களுக்குச் சென்றுவந்த லாரி ஓட்டுநர்களை கண்காணிக்கவும் அறிவுறுத்தப்பட்டது.