நாமக்கல் நாடாளுமன்றத் தொகுதியில் திமுக கூட்டணிக் கட்சி வேட்பாளர் சின்ராஜை ஆதரித்து திண்டுக்கல் ஐ. லியோனி ரப்புரை செய்தார். அப்போது, ஆளும் பாஜக அரசு எல்லையில் பாகிஸ்தான் தீவிரவாதிகளால் சுட்டுக்கொல்லப்பட்ட நாற்பத்தி ஐந்து வீரர்களின் பெயரை வைத்துக்கொண்டு பிரசாரத்தில் ஈடுப்பட்டுள்ளது. இது அநாகரிகமான செயல் என விமர்சித்தார்.
வீர மரணமடைந்த ராணுவ வீரர்களை வைத்து மோடி அரசியல் செய்வது அநாகரிகம்: திண்டுக்கல் ஐ. லியோனி சாடல்...!
நாமக்கல்: நாட்டுக்காக உயிர்த் தியாகம் செய்த ராணுவ வீரர்களை வைத்து மோடி அரசியல் செய்வது அநாகரிகம் என பட்டிமன்றப் பேச்சாளரும் திமுக நட்சத்திரப் பேச்சாளருமான திண்டுக்கல் ஐ. லியோனி சாடியுள்ளார்.
திண்டுக்கல் லியோனி
தாங்கள் அமைத்துள்ள கூட்டணி மிகவும் சிறப்பான கூட்டணி; இதில் பூ, இலை, பழம் என அமைந்துள்ளன என்று பாஜக மாநிலத் தலைவர் கூறியுள்ளார். ஆனால் சூரியன் இல்லாவிடில் அவையனைத்துமே வீணாகிப் போய்விடும் என தனக்கே உரிய நகைச்சுவை பாணியில் பேசினார்.
மேலும் தமிழ்நாடு முதலமைச்சர் எதற்கெடுத்தாலும் தான் உழைத்து முன்புக்கு வந்தவன் என கூறிவருகிறார். உழைப்பு என்றால் என்ன என்பதே முதலமைச்சருக்கு தெரியவில்லை. திமுக தலைவர் ஸ்டாலினிடம்தான் உழைப்பைப்பற்றி கற்றுக்கொள்ள வேண்டும். தினந்தோறும் பல்வேறு மக்களோடு மக்களாக நின்று பரப்புரையில் ஈடுப்பட்டு வருகிறார். இதுபோன்று தமிழக முதல்வர் எடப்பாடி பழனிச்சாமியால் செய்யமுடியுமா எனக்கேள்வி எழுப்பினார்.