கரோனா வைரஸ்: செய்தியாளர்களுக்கு விழிப்புணர்வு நிகழ்ச்சி!

நாமக்கல்: கரோனா வைரஸ் பரவிவரும் நிலையில், செய்தி சேகரிக்க செல்லும் செய்தியாளர்களுக்காக விழிப்புணர்வு நிகழ்ச்சி நடைபெற்றது.

இந்தியாவில் கரோனா வைரஸ் தொற்றால் இதுவரை 148 பேர் பாதிக்கப்பட்டுள்ளதாக மத்திய அரசு தகவல் தெரிவித்துள்ளது. தமிழ்நாட்டில் மூன்று பேருக்கு கரோனா இருப்பது உறுதியாகியுள்ளது. இந்நிலையில், நாமக்கல் மாவட்ட இந்திய மருத்துவ சங்க கிளையின் சார்பில், செய்தியாளர்கள் கரோனா பாதிப்பிலிருந்து எவ்வாறு தங்களை காத்துக் கொள்வது என்பது குறித்த விழிப்புணர்வு நிகழ்ச்சி நடைபெற்றது.

நாமக்கல் சுகாதார பணி இணை இயக்குனர் அலுவலக கூட்டரங்கில் நடைபெற்ற இந்நிகழ்ச்சியில், இந்திய மருத்துவ சங்கம் நாமக்கல் மாவட்ட கிளையின் தலைவர் டாக்டர் சதீஷ்குமார் மற்றும் மருத்துவர்கள் கலந்துகொண்டனர்.

இதில், கரோனா வைரஸ் குறித்தும், அந்த வைரஸ் பரவாமல் இருக்க முகக்கவசங்களையும் கைகளுக்கு கிருமி நாசினி பயன்படுத்துவது குறித்தும் மருத்துவர்கள் விளக்கமளித்தனர்.

மேலும், கூட்ட நெரிசல் மிகுந்த இடங்களுக்கு செய்தி சேகரிக்க செல்லும் செய்தியாளர்கள் அனைவரும் குறைபட்சம் ஒரு மீட்டர் இடைவெளியை கடைபிடிக்க வேண்டும் எனவும் அறிவுறுத்தப்பட்டது.

இதையும் படிங்க:தேசிய பாதுகாப்பு சட்டத்தின் கீழ் நால்வர் கைது