நாமக்கல் மாவட்ட வங்கி ஊழியர்கள் சிறப்புக் கூட்டம் ஞாயிற்றுக்கிழமை நடைபெற்றது. இதில் தமிழ்நாடு வங்கி ஊழியர்கள் சம்மேளன பொதுச்செயலாளர் அருணாசலம் உள்ளிட்ட பலர் கலந்துகொண்டனர். இந்தக் கூட்டத்தில் இன்றைய பொதுத்துறை வங்கிகளின் நிலை, பொதுத்துறை வங்கிகளை ஒருங்கிணைப்பதால் ஏற்படும் பிரச்னைகள் உள்ளிட்டவை குறித்து ஆலோசிக்கப்பட்டது.
இதனைத் தொடர்ந்து செய்தியாளர்களிடம் பேசிய அருணாசலம், இந்திய நாட்டில் உள்ள 27 பொதுத்துறை வங்கிகளை ஒருங்கிணைத்து 12 பொதுத்துறை வங்கிகளாக மாற்ற மத்திய அரசு முடிவெடுத்துள்ளது. இதனைக் கைவிட வலியுறுத்தி அக்டோபர் 22ஆம் தேதி பொதுத்துறை வங்கி ஊழியர்கள் ஒரு நாள் அடையாள வேலைநிறுத்தம் போராட்டத்தில் ஈடுபடவுள்ளோம்.