காதலிப்பதாக கூறி மாணவி பாலியல் வன்புணர்வு- போக்சோவில் இளைஞர் கைது

மயிலாடுதுறை அருகே 10ஆம் வகுப்பு மாணவியை காதலிப்பதாக கூறி பாலியல் வன்புணர்வில் ஈடுபட்ட இளைஞரை போக்சோ சட்டத்தின் கீழ் காவல் துறையினர் கைது செய்தனர்.

மயிலாடுதுறை: தரங்கம்பாடி தாலுகா மருதம்பள்ளம் கீழவெளியைச் சேர்ந்த கட்டடத் தொழிலாளியான ஐயப்பன் (22), செம்பனார்கோவில் காவல் சரகத்துக்கு உள்பட்ட பகுதியில் வசிக்கும் 10-ஆம் வகுப்பு மாணவியுடன் பழகி வந்துள்ளார்.

இந்நிலையில், மாணவியிடம் காதலிப்பதாக ஆசை வார்த்தை கூறி, மாணவியை வீட்டில் இருந்து ஐயப்பன் கடத்திச்சென்றுள்ளார். பின் மாணவியை பாலியல் வன்புணர்வுக்கு உள்ளாக்கியதாகக் கூறப்படுகிறது.

கட்டடத் தொழிலாளியான ஐயப்பன்...

இது குறித்து, சிறுமியின் தாய் மயிலாடுதுறை அனைத்து மகளிர் காவல் நிலையத்தில் புகார் அளித்தார். இந்தப் புகாரின் அடிப்படையில் காவல் ஆய்வாளர் கோப்பெருந்தேவி, ஐயப்பன் மீது போக்சோ சட்டத்தின் கீழ் வழக்குப் பதிந்து, கைது செய்து, அவரிடம் விசாரணை மேற்கொண்டு வருகின்றனர்.