இருசக்கர வாகன விபத்து... இரண்டு இளைஞர்கள் உயிரிழப்பு...

மயிலாடுதுறை அருகே இருசக்கர வாகனத்தில் சென்ற இரண்டு இளைஞர்கள் எதிரே வந்த வேன் மீது மோதியதில் உயிரிழந்தனர்.

மயிலாடுதுறை மாவட்டம் கூறைநாடு பகுதியைச் சேர்ந்த அபினாஷ் (22), தனது நண்பர் கிருபாகரன்(23) என்பவருடன் விலையுயர்ந்த இருச்சக்கர வாகனத்தில் கும்பகோணம் நோக்கி புறப்பட்டார். அப்போது மணக்குளம் அருகே வளைவில் அதிவேகமாக சென்றபோது எதிரே வந்த டெம்போ டிராவலர் வேன் மீது மோதி விபத்து ஏற்பட்டது.

இதில் வேன் கட்டுப்பாட்டை இழந்து கவிழ்ந்தது. அபினாஷ் சம்பவ இடத்திலேயே உயிரிழந்தார். கிருபாகரனுக்கு பலத்த காயம் ஏற்பட்டது. அக்கம்பக்கத்தினர் அவரை மீட்டு தஞ்சாவூர் மருத்துவ கல்லூரி தனியார் மருத்துவமனைக்கு அனுப்பி வைத்தனர். ஆனால் செல்லும் வழியிலேயே கிருபாகரன் உயிரிழந்தார்.

இருவரது உடலும் மயிலாடுதுறை அரசு மருத்துவமனைக்கு உடற்கூராய்விற்காக கொண்டு செல்லப்பட்ட. இந்த விபத்து குறித்து குத்தாலம் காவல்துறையினர் வழக்குப்பதிவு செய்து விசாரணை மேற்கொண்டுள்ளனர். மேலும் வேனை ஓட்டி வந்த வைத்தீஸ்வரன் கோவில் பகுதியைச் சேர்ந்த கார்த்திகேயன் லேசான கீறலுடன் உயிர் தப்பினர்.