சட்டவிரோதமாக மது விற்பனை செய்த பெண் கைது

மயிலாடுதுறை: சட்டவிரோதமாக மது விற்பனை செய்த பெண்ணை காவல் துறையினர் கைது செய்தனர்.

மயிலாடுதுறை மாவட்டம் சீர்காழி அருகேயுள்ள ஈசானிய தெரு பகுதியில் சட்டவிரோதமாக மது விற்பனை செய்யப்படுவதாக மாவட்ட காவல் கண்காணிப்பாளர் ஸ்ரீ நாதாவிற்கு ரகசிய தகவல் கிடைத்தது.

அதன்பேரில் தனிப்படையினர் சம்பவ இடத்திற்கு சென்று சோதனை செய்தனர். அப்பொழுது அமுதா (37) என்ற பெண் தமிழ்நாடு, புதுச்சேரி ஆகிய மாநில மது பாட்டில்களை விற்பனை செய்தது தெரியவந்தது.

பின்னர் அவரை காவல் துறையினர் கைது செய்தனர். மேலும் அவரிடமிருந்து 200 தமிழ்நாடு மது பாட்டில்கள், 219 புதுச்சேரி மது பாட்டில்கள் ஆகியவை பறிமுதல் செய்யப்பட்டன. இதன் மதிப்பு சுமார் 50 ஆயிரம் என தெரிகிறது.

இதையும் படிங்க: பொங்கல் பண்டிகை: ரூ 416 கோடிக்கு மது விற்பனை