நாகை மாவட்டத்திலுள்ள உலகப் புகழ்பெற்ற வேளாங்கண்ணி பேராலய ஆண்டு பெருவிழா இன்று மாலை கொடியேற்றத்துடன் தொடங்குகிறது.
கரோனா பரவல் காரணமாக எளிமையாக நடைபெறும் இந்தத் திருவிழாவில் பக்தர்களின் வருகைக்கு தடை விதிக்கப்பட்டுள்ளது. மாவட்ட காவல்துறை சார்பாக மாவட்டம் முழுவதும் 21 சோதனைச் சாவடிகள் அமைக்கப்பட்டு வெளிமாநில மற்றும் வெளி மாவட்ட பக்தர்கள் வருவதைத் தடுக்கும் வகையில், ஆயிரத்து 200 காவலர்கள் பாதுகாப்புப் பணியில் ஈடுபடுத்தப்பட்டுள்ளனர்.
வேளாங்கண்ணி கோயிலுக்கும் செல்லும் பகுதிகள் தகரம் கொண்டு அடைக்கப்பட்டுள்ளன. அத்தியாவசியத் தேவைகளுக்காக வேளாங்கண்ணி ஆர்ச் வழி மட்டும் திறக்கப்பட்டுள்ளது.