மயிலாடுதுறை:மயிலாடுதுறை மாவட்டம், தரங்கம்பாடி தாலுகா, கீழப்பெரும்பள்ளம் கிராமத்தில் வாசுகி நாகம் வழிபாடு செய்த சௌந்தரநாயகி சமேத நாகநாதசாமி திருக்கோயில் அமைந்துள்ளது.
நவக்கிரக ஸ்தலங்களில் கேது ஸ்தலமான இங்கு, கேது பகவானுக்கு தனி சந்நிதி உள்ளது. பலவர்ணங்களை உடையவராக கருதப்படும் கேது பகவான் நவக்கிரகங்களில் ஞானத்தை அளிப்பவராவார். இவர் மனக்கோளாறு, தோல் வியாதிகள், புத்திரதோஷம், சர்ப்பதோஷங்களை அளிக்கவல்லவர்.
நாகநாத சாமி கோயிலில் கேது பெயர்ச்சி விழா
கேது பகவானுக்கு கொள்ளு தானியத்தை கீழே பரப்பி, அதில் தீபமிட்டு வணங்கினால் கேது பகவானால் ஏற்படும் தோஷம் நீங்கும் என்பது ஐதீகம். தமிழ்நாட்டில் கேது பகவானுக்குத் தனி சந்நிதி கீழப்பெரும்பள்ளம் நாகநாதசாமி கோயிலில் அமைந்துள்ளது குறிப்பிடத்தக்கதாகும்.