உலகையே அச்சுறுத்தி வந்த கரோனா தொற்று காரணமாக நாடெங்கும் ஊரடங்கு அமல்படுத்தப்பட்டது. அதனைத் தொடர்ந்து பல்வேறு கட்ட தளர்வுகள் அளிக்கப்பட்டு மாநிலங்களுக்கு உள்ளே பேருந்துகள் இயக்கப்பட்டு வந்தன.
இந்நிலையில் தமிழ்நாடு பேருந்துகள் புதுச்சேரிக்கும், புதுச்சேரி பேருந்துகள் தமிழ்நாட்டிற்கும் போக்குவரத்து இன்றி மக்கள் பெரிதும் பாதிக்கப்பட்டனர். இச்சூழலில் புதுச்சேரி மாநில முதல்வர் நாராயணசாமியிடம், தமிழ்நாடு பேருந்துகள் புதுச்சேரிக்கு வந்து செல்ல உரிய நடவடிக்கை மேற்கொள்ள வேண்டும் என பொதுமக்கள் தொடர்ந்து கோரிக்கை விடுத்துவந்தனர்.