தேர்தல் ஆணைய இணையதளத்தில் தமிழ் புறக்கணிப்பு- சுயேச்சைகள் புகார்

நாகை: தேர்தல் ஆணைய இணையதளங்களில் தமிழ் மொழி புறக்கணிப்பட்டுள்ளதாக சுயேச்சை வேட்பாளர்கள் உதவி தேர்தல் அலுவலரிடம் மனு அளித்தனர்.

நாகை மாவட்டம், மயிலாடுதுறை நாடாளுமன்றத் தொகுதியில் சுயேச்சையாகஒன்பது பேர் போட்டியிடுகின்றனர். நாடாளுமன்றத்தின் மாண்பினை குறைக்கும் வகையில் தமிழ் மொழியை அங்கீகரிக்காமல், இந்திய தேர்தல் ஆணையம் புறக்கணித்திருப்பது மிகப் பெரும் வேதனையை உருவாக்கியுள்ளதாகவும், இணையதளத்தில் மீண்டும் தமிழ்மொழியை நிறுவ நடவடிக்கை எடுக்க வேண்டும் என சுயேச்சை வேட்பாளர்கள் ஒன்பது பேர் மாவட்ட உதவி தேர்தல் அலுவலரிடம் மனு அளித்துள்ளனர்.

மேலும் தேர்தல் ஆணையத்தின் அதிகாரப்பூர்வமான இணையதளம், மின்னஞ்சல்களில் வாக்காளர்களுக்கான தகவல்கள்,விபரங்கள், விதிமுறைகள் மற்றும் ஆணையத்தின் அறிவிப்புகள் அனைத்தும் இந்தி, ஆங்கிலம் ஆகியவற்றில் மட்டுமே இடம்பெற்றுள்ளது என அந்த மனுவில் குறிப்பிட்டு இருந்தனர்.