புரெவி புயல் எதிரொலி: மயிலாடுதுறையில் பலத்த மழை

மயிலாடுதுறை: புரெவி புயல் காரணமாக குத்தாலம், தரங்கம்பாடி உள்ளிட்ட பகுதிகளில் பலத்த மழை பெய்தது.

வங்கக்கடலில் புதிதாக புரெவி என்ற புயல் உருவாகியுள்ளதாக சென்னை வானிலை ஆய்வு மையம் தெரிவித்துள்ளது. மேலும் இதன் காரணமாக இன்று (டிச. 02) தமிழ்நாட்டில் பல மாவட்டங்களில் பலத்த மழை பெய்யும் என அறிவித்துள்ளது.

மயிலாடுதுறை மாவட்டம் முழுவதும் இன்று காலை லேசான மழை பெய்தது. மயிலாடுதுறை, குத்தாலம், தரங்கம்பாடி, மங்கநல்லூர், மணல்மேடு, பொறையார், பூம்புகார், சீர்காழி, வைத்தீஸ்வரன் கோயில் உள்ளிட்ட பகுதிகளில் பலத்த மழை பெய்தது.

மயிலாடுதுறையில் இன்று காலை 8.30 மணியிலிருந்து மதியம் 12 மணி வரை 16 மி.மீ., தரங்கம்பாடியில் 13 மி.மீ., மணல்மேடு பகுதியில் 8மி.மீ., சீர்காழியில் 16.60 மி.மீ. மழை பதிவாகியுள்ளது.

புரெவி புயல் எச்சரிக்கையால் மயிலாடுதுறை நகரில் பொதுமக்களின் நடமாட்டம் குறைவாக காணப்பட்டது.

இதையும் படிங்க: மழை வெள்ளம், இடி மின்னலில் தற்காத்துக் கொள்வது எப்படி? தமிழ்நாடு அரசின் தரமான வீடியோ...!