சனீஸ்வர பகவானுக்கு கிரகண புண்ணிய கால சிறப்புப் பூஜை!

புதுச்சேரி: சூரிய கிரகணத்தை முன்னிட்டு, பிரசித்திபெற்ற திருநள்ளாறு கோயிலில், சனீஸ்வர பகவானுக்கு கிரகண புண்ணிய கால சிறப்புப் பூஜைகள் நடைபெற்றன.

புதுச்சேரி மாநிலம், காரைக்காலில் அமைந்துள்ள பிரசித்திபெற்ற திருநள்ளாறு சனீஸ்வர பகவான் கோயிலில் சூரிய கிரகணத்தை முன்னிட்டு புண்ணிய கால சிறப்பு அபிஷேக பூஜைகளுடன் மகாதீபாராதனை நடைபெற்றது.

முன்னதாக மூலவர் தர்பாரண்யேஸ்வரர், தியாகராஜர், பிரணாம்பிகை, சனீஸ்வர பகவான் சுவாமிகளுக்கு பால், சந்தனம், தேன், திரவியம் உள்ளிட்டப் பொருள்களால் சிறப்பு அபிஷேகம் நடைபெற்றது.

இதைத் தொடர்ந்து, சனீஸ்வரருக்கு மகாதீபாராதனையும் காட்டப்பட்டது. இன்று (ஜூன் 21) சூரிய கிரகணம் என்பதால், குறைந்த அளவிலான பக்தர்கள் மட்டுமே திருநள்ளாறு சனீஸ்வர பகவான் கோயிலுக்கு வந்து சுவாமி தரிசனம் செய்தனர்.

இதையும் படிங்க:கரோனா நெருக்கடி: எச்1 பி விசாவை நிறுத்தி வைக்க திட்டமிடும் ட்ரம்ப்!