நாகப்பட்டினம் மாவட்டம் குத்தாலம் அருகே உள்ள கடலங்குடி மாரியம்மன் கோயில் தெருவைச் சேர்ந்தவர் வீரப்பன், அவரது மனைவி அமுதா. இவர்கள் இருவரும் தங்களது முன்னோர்கள் வாழ்ந்த இடத்தில் வசித்துவருகின்றனர். இருந்தும் வீரப்பன் -அமுதா தம்பதி வசிக்கும் இடம் அரசுக்குச் சொந்தமான நத்தம் புறம்போக்கு நிலம் என்று அப்பகுதியைச் சேர்ந்த சங்கரன் என்பவர் கூறிவந்துள்ளார்.
கோட்டாட்சியரிடம் புகார் அளித்த தம்பதி
இதனைத்தொடர்ந்து, பொய்யான சான்றுகள் மூலம் அந்த இடத்தை தன் பெயருக்கு பட்டாவாக மாற்றிக் கொண்டதாகக் கூறி வீரப்பன் மீது மயிலாடுதுறை நீதிமன்றத்தில் வழக்குத் தொடர்ந்தார். சென்னை உயர் நீதிமன்றம் வரை சென்றும் வீரப்பன் -அமுதா தம்பதிக்கு ஆதரவாக தீர்ப்பு வழங்கப்பட்டது.