ஓஎன்ஜிசி நிறுவனத்திற்கு எதிராக தீர்மானம் நிறைவேற்றிய மீனவர்கள்!

நாகை: சீர்காழி அருகே ஓஎன்ஜிசி நிறுவனம் எண்ணெய் கிணறு அமைப்பதற்கு மீனவர்கள் எதிர்பு தெரிவித்துள்ளனர்.

நாகை மாவட்டம் சீர்காழி அருகே தொடுவாய் மீனவ கிராமத்தில் ஓஎன்ஜிசி நிறுவனம் சார்பில் கருத்துக்கேட்பு கூட்டம் நடைபெற்றது. இந்தக் கூட்டத்தில் கிராம மக்கள், வட்டாட்சியர் சாந்தி, வருவாய்த் துறை அலுவலர்கள், ஓஎன்ஜிசி நிறுவன அலுவலர்கள் உள்ளிட்டோர் பங்கேற்றனர். அப்போது எண்ணெய் எடுப்பதால் ஏற்படும் நன்மைகள் குறித்து கிராம மக்களிடம் ஓஎன்ஜிசி நிறுவன அலுவலர்கள்தெரிவித்தனர்.

அதனை ஏற்க மறுத்த கிராம மக்கள் அலுவலர்களிடம் வாக்குவாதத்தில் ஈடுபட்டனர். மீனவ கிராம மக்களின் கோரிக்கையை கேட்ட வட்டாட்சியர் இது குறித்து பரிசீலனை செய்யப்படும் எனத் தெரிவித்தார்.

அதனைத் தொடர்ந்து கிராம மக்கள் பஞ்சாயத்து தலைவர் தலைமையில் கூட்டத்தை தொடர்ந்தனர். அந்தக் கூட்டத்தில் கிராமத்தில் ஓஎன்ஜிசி நிறுவனம் எண்ணெய் எடுப்பதற்கு உண்டான பணிகளை மேற்கொள்ள கூடாது எனவும் அதனை ஏற்க மறுத்தால் 64 மீனவ கிராமங்களையும் ஒன்றிணைத்து மிகப்பெரிய போராட்டத்தில் ஈடுபடப் போவதாகவும் கிராம மக்கள் தீர்மானம் நிறைவேற்றினர்.

இதையும் படிங்க: மும்பை ஓஎன்ஜிசி ஆலையில் தீ விபத்து!