நாகையில் தமிழ்நாடு அரசு போக்குவரத்து கழக தொழிலாளர் சங்கம் சார்பில் நடைபெற்ற பேரவைக் கூட்டத்தில் நாகை மக்களவைத் தொகுதி உறுப்பினர் செல்வராசு கலந்துகொண்டார். இதனையடுத்து பத்திரிகையாளர்களை சந்தித்த அவர், ’மோடி தலைமையிலான மத்திய அரசு புதிய இந்தியா, ஒரு நாடு, ஒரு மொழி என்ற கொள்கையுடன் ஆட்சி செய்கிறது. நடந்து முடிந்த மக்களவை கூட்டத்தொடரில் 36 மசோதாக்களை நிறைவேற்றியுள்ளனர்.
செய்தியாளர்களைச் சந்தித்த நாகை எம்.பி
அதில் குறிப்பாக மக்கள் கணக்கெடுப்பு, வங்கிக் கணக்கு, மக்களின் விவரங்கள் ஆகியவற்றை ஆதாருடன் ஒன்றிணைப்பது என்பது ஜனநாயக முறையையே மாற்றியமைக்கும் முறையில் இருக்கிறது. இப்போது ஒரு நாடு, ஒரு தேர்தல் என்ற முறைக்கு மத்திய அரசு வந்துள்ளது. அப்படியென்றால் தேர்தல் ஆணையத்தின் வேலை கேள்விக்குறியாகிறது.