காரைக்கால் மாவட்ட புதிய முதுநிலைக் காவல் கண்காணிப்பாளராக நிஹாரிகா பட் பொறுப்பேற்ற நாள்முதல் காரைக்கால் மாவட்டத்தில் குற்றச்சம்பவங்கள் தொடர்பாகப் பல்வேறு நடவடிக்கைகளை மேற்கொண்டுவருகிறார்.
இந்நிலையில் காவல் நிலையங்களில் சென்று பலரும் புகார் அளிக்கத் தயங்குவதன் காரணத்தால் பல குற்றச்சம்பவங்களும், செயல்களும் வெளியில் தெரியாமல் பல குற்றவாளிகள் தண்டனையின்றி தப்பிவிடுகின்றனர். குற்றச் சம்பவங்களும் தொடர்ந்து அதிகரித்துவருகின்றன.
இதனைக் கருத்தில்கொண்டு இணைய வழியில் குற்றங்கள் குறித்து புகாரளிக்கும் ஆன்லைன் கம்ப்ளைன்ட் பாக்ஸ் என்ற இணையவழிப் புகார் பெட்டியினை காரைக்கால் மாவட்ட முதுநிலைக் காவல் கண்காணிப்பாளர் நிஹாரிகா பட் அறிமுகப்படுத்தியுள்ளார்.