நாகப்பட்டினம் மாவட்டம், செம்பியன்மாதேவி ஊராட்சிக்குட்பட்ட வண்டலூர் கிராமத்தில் காத்தான் என்ற விவசாயி வசித்துவருகிறார். இவர் தன்னுடைய இரண்டு ஏக்கர் நிலத்தில் விவசாயக் கடன் வாங்கியும் நகைகளை விற்றும் பிபிடி ரகமான நெல் சாகுபடி செய்திருந்தார்.
இந்நிலையில், நன்றாக விளைந்து நெற்கதிர்கள், அறுவடைக்குத் தயாரான நிலையில் இருந்தன. இந்நிலையில், இரண்டு ஏக்கரில் உள்ள பயிர்கள் அனைத்தும் மர்ம நோயால் பாதிக்கப்பட்டு முற்றிலும் கருகியும், அழுகியும் போகியுள்ளது. இந்த சம்பவம் மற்ற விவசாயிகள் மத்தியில் அதிர்ச்சியையும், அச்சத்தையும் ஏற்படுத்தியுள்ளது.