மயிலாடுதுறையில் பிரபல ரவுடி வெட்டிக்கொலை!

நாகை: மயிலாடுதுறையில் பிரபல ரவுடி வெட்டிக்கொலை செய்யப்பட்ட சம்பவத்தையடுத்து மாவட்ட காவல் கண்காணிப்பாளர் விசாரணை நடத்திவருகிறார்.

நாகை மாவட்டம் மயிலாடுதுறை சேந்தங்குடி துர்க்கை அம்மன் கோவில் தெருவை சேர்ந்தவர் சீனிவாசன் மகன் பாபு (45).

திமுக நகரசெயற்குழு உறுப்பினரான இவர் மீது நல்லாசிரியர் நீலகண்டன் கொலை உள்ளிட்ட பல்வேறு வழக்குகள் நிலுவையில் உள்ளன.
இந்நிலையில் நேற்று (23.07.20) இரவு 10 மணிக்கு கடைவீதிக்கு சென்றுவிட்டு வீடு திரும்பிய போது வீட்டின் அருகே உள்ள குளக்கரையில் மறைந்திருந்த மர்மகும்பல் ஒன்று பாபுவை சரமாரியாக வெட்டிக் கொலை செய்துவிட்டு தப்பி ஓடியது.

இதுகுறித்து தகவல் அறிந்த மயிலாடுதுறை காவல்துறை சம்பவ இடத்திற்கு வந்து பாபுவின் உடலை கைப்பற்றி உடற்கூறாய்வு பரிசோதனைக்காக மயிலாடுதுறை அரசு மருத்துவமனைக்கு அனுப்பி வைத்தனர்.

அதனைதொடர்ந்து மயிலாடுதுறை மாவட்ட எஸ்.பி ஸ்ரீநாத் சம்பவ இடத்தை நேரில் பார்வையிட்டு விசாரணை மேற்கொண்டுள்ளார்.

பிரபல ரவுடி பாபு படுகொலை செய்யப்பட்ட சம்பவம் மயிலாடுதுறையில் பெரும் பரபரப்பை ஏற்படுத்தியுள்ளது.

இதையும் படிங்க:விதியை யார் வெல்ல முடியும் - காருக்குள் விளையாடிய குழந்தைகள் உயிரிழப்பு!