புகார் அளித்தால் அலட்சியம் காட்டும் தேர்தல் அதிகாரி - திமுக குற்றச்சாட்டு

நாகை: மயிலாடுதுறை நாடாளுமன்றத் தேர்தல் அதிகாரியான சுரேஷ்குமார் புகார் தெரிவிக்க அழைத்தால் தொலைபேசியை எடுப்பதில்லை என்றும், தேர்தல் முடியும் வரை மயிலாடுதுறையில் தங்கித் தேர்தல் பணிகளை கண்காணிக்க வேண்டும் என்றும் திமுக சார்பில் கோரிக்கை வைக்கப்பட்டுள்ளது.

நாகை மாவட்டம், மயிலாடுதுறை நாடாளுமன்றத் தொகுதியின் தேர்தல் அதிகாரியாக மாவட்ட ஆட்சியர் சுரேஷ்குமார் நியமிக்கப்பட்டுள்ளார். இந்நிலையில் பிரசார வாகன அனுமதி உள்ளிட்டவை பெற வேண்டுமென்றால் வேட்பாளர் நாகப்பட்டினம் செல்ல வேண்டிய நிலையுள்ளது.

மேலும், தேர்தல் விதிமீறல் உள்ளிட்ட எந்த புகார் அளிக்க வேண்டும் என்று தொடர்பு கொண்டால், மாவட்ட தேர்தல் அதிகாரி தொலைபேசியை எடுப்பதில்லை என்றும், வாகன அனுமதியும் பாரபட்சமாக வழங்கப்படுவதாக குற்றம்சாட்டிய திமுகவினர், தேர்தல் அதிகாரியான மாவட்ட ஆட்சியர் தேர்தல் முடியும் வரை மயிலாடுதுறையில் தங்கித்தேர்தல் பணிகளை கண்காணிக்க வேண்டும் என்று கோட்டாட்சியர் அலுவலகத்தில் மனு அளித்தனர்.