ஹோட்டல் உணவில் கரப்பான் பூச்சி..
மயிலாடுதுறை: பட்டமங்கலத்தெருவில் உள்ள புகழ்பெற்ற சைவ உணவகமான காளியாகுடி ஹோட்டல். இந்த ஹோட்டலில் நேற்று சங்கரன்பந்தலை சேர்ந்த வழக்கறிஞர் பூபாலன், கலியமூர்த்தி ஆகிய இருவர் சோலாபூரி உணவருந்தியுள்ளனர். அப்போது, அவர்கள் உணவில் கரப்பான் பூச்சி இருந்ததைக் கண்டு அதிர்ச்சியடைந்துள்ளனர்.
அதனையடுத்து அவர்கள் உண்ட உணவில் கரப்பான்பூச்சி வெந்து கிடந்ததாகக் குற்றம் சாட்டியுள்ளனர். இதையடுத்து ஒவ்வாமை ஏற்பட்ட அவர்கள் மயிலாடுதுறை அரசு மருத்துவமனையில் சிகிச்சை பெற்று பின்னர் வீடு திரும்பினார். இச்சம்பவம் மாவட்ட ஆட்சியர் கவனத்திற்குச் சென்றதையடுத்து மயிலாடுதுறை நகராட்சி உணவு பாதுகாப்புத்துறை அலுவலர் அந்த குற்றச்சாட்டுக்கு உள்ளான ஹோட்டலில் சோதனை நடத்தினார்.