சமய மாநாட்டில் கலந்துகொண்ட நாகை மாவட்டம் சீர்காழி அருகே உள்ள பெருந்தோட்டம் கிராமத்தைச் சேர்ந்த நான்கு நபர்களுக்கும், புத்தூர் கிராமத்தைச் சேர்ந்த ஒருவருக்கும் கரோனா பெருந்தொற்று இருப்பது உறுதியானது. இவர்கள் கடந்த 1ஆம் தேதி கரோனா பரிசோதனைக்காக மயிலாடுதுறை அரசு மருத்துவமனையில் தனிமைப்படுத்தப்பட்டிருந்தனர்.
முந்தைய பரிசோதனைகளில் கரோனா இல்லை என்று வந்த நிலையில், தற்போது 5 பேருக்கும் கரோனா பெருந்தொற்று இருப்பது உறுதியாகியுள்ளது. இதனையடுத்து மயிலாடுதுறை அரசு மருத்துவமனையில் அனுமதிக்கப்பட்டிருந்த அந்த ஐந்து நபர்களும், திருவாரூர் அரசு மருத்துவக் கல்லூரி மருத்துவமனைக்கு மேல் சிகிச்சைக்காக கொண்டுசேர்க்கப்பட்டுள்ளனர்.
சீர்காழியில் ஐந்து பேருக்கு கரோனா உறுதி