'ஊராட்சி ஒன்றியக்குழு பதவிக்கு கல்லூரி மாணவி போட்டி' - ஊர் மக்கள் ஆதரவு

நாகை: கல்லூரி மாணவி ஊராட்சி ஒன்றியக்குழு பதவிக்கு போட்டியிடுவதை அடுத்து ஊர் மக்கள் ஆதரவு தெரிவித்துள்ளனர்.

தமிழ்நாட்டில் உள்ளாட்சித் தேர்தல் தேதி அறிவிக்கப்பட்டதை அடுத்து அனைத்துக் கட்சியினரும் தேர்தலுக்கான பணிகளில் மும்முரமாய் ஈடுபட்டுவருகின்றனர். சுயேச்சை வேட்பாளர்களும் போட்டி போட்டுக்கொண்டு தீவிர வாக்கு சேகரிப்பில் இறங்கியுள்ளனர்.

நாகை மாவட்ட ஒன்றியக்குழு உறுப்பினர் பதவிக்கு தனியார் கல்லூரியில் முதுகலை கணினி பயன்பாடு இறுதி ஆண்டு பயின்றுவரும் அனுசியா வேணுகோபால் என்ற மாணவி திமுக வேட்பாளராகப் போட்டியிட்டுள்ளார். அவருக்கு ஆதரவாக கிராம மக்கள் ஒன்றிணைந்து தீவிர வாக்கு சேகரிப்பில் ஈடுபட்டுள்ளனர்.

இளைஞர்கள் அரசியல் வேண்டாம் என்று ஒதுங்கி புறக்கணிக்கும் சூழலில், கல்லூரி பயின்றுவரும் மாணவி அனுசியா வேணுகோபால் தேர்தலில் போட்டியிடுவது பொதுமக்களிடையே வரவேற்பைப் பெற்ற நிலையில், படித்தவர்கள் அரசியலுக்கு வர வேண்டும் என எதிர்பார்க்கும் பலரது ஆதரவைப் பெற்றுள்ளது.

இதையும் படிங்க: தஞ்சையில் 20 ஊராட்சித் தலைவர்கள் போட்டியின்றி தேர்வு!