நாகப்பட்டினம் மாவட்டம் திருக்குவளை அண்ணா பல்கலைக்கழக பொறியியல் கல்லூரியில் உதவிப் பேராசிரியராக ஹேமா என்பவர் பணியாற்றிவருகிறார். கடந்த சில நாள்களாக இவருக்கு கல்லூரி முதல்வர் (பொறுப்பு) துரைராஜன் அடிக்கடி பாலியல் தொல்லை கொடுத்து வந்ததாகக் கூறப்படுகிறது. ஒரு கட்டத்தில் எல்லைமீறிய துரைராஜன் கையெழுத்து வாங்கச் சென்ற ஹேமாவிடம் தனது பாலியல் இச்சைக்கு அடிபணியும்படி கூறியுள்ளார்.
பாலியல் புகார் அளித்த பேராசிரியை
துரைராஜனின் செயலால் மன உளைச்சலுக்கு ஆளாகி பொறுமையிழந்த ஹேமா, கல்லூரியில் நடந்ததை கணவரிடம் கூறியுள்ளார். இதனையடுத்து, துரைராஜனை செல்ஃபோனில் தொடர்புகொண்டு தான் தற்கொலை செய்து கொள்ளப்போவதாகவும் கூறியுள்ளார். இதனைத்தொடர்ந்து ஹேமா துரைராஜன் மீது திருக்குவளை காவல் நிலையத்தில் ஆடியோ ஆதாரங்களுடன் பாலியல் புகார் அளித்தார்.