புதுடெல்லி தல்கதோரா ஸ்டேடியத்தில் தேசிய அளவிலான சீக்கிய விளையாட்டு போட்டிகள் நடைபெற்றது. இதில் முக்கியப் போட்டியாக சிலம்பம் இருந்தது. இப்போட்டியானது 5 வயது முதல் 7 வயது, 8 வயது முதல் 12 வயது, 13 வயது முதல் 15 வயது என மூன்று பிரிவாக நடைபெற்றது.
இதில், தமிழ்நாட்டிலிருந்து சீர்காழி வீரத்தமிழர் சிலம்பாட்டக்கழகம், காரைக்காலிருந்து குமார் மார்ஷியல் ஆர்ட்ஸ் கழகம் என, மொத்தம் 54 பேர் கலந்து கொண்டனர். இதில் சீர்காழி வீரத்தமிழர் சிலம்பாட்டக் கழகத்தைச் சேர்ந்த மாணவர்கள் 9 தங்கப் பதக்கம், 8 வெள்ளிப் பதக்கங்களை பெற்று சாதனை படைத்தனர்.