பாஜக கொடியுடன் வந்த காரினை வழிமறித்த விடுதலைச் சிறுத்தைகள் கட்சியினர்!

மதுரை: பாஜகவின் ஆர்ப்பாட்டத்தைக் கண்டித்து விடுதலைச் சிறுத்தைகள் நடத்திய ஆர்ப்பாட்டத்தின்போது, பாஜக கொடியுடன் வந்த வாகனத்தை வழிமறித்ததால் பரபரப்பு ஏற்பட்டது.

பாஜகவினர் திருமாவளவனைக் கண்டித்து இன்று போராட்டம் அறிவித்திருந்த நிலையில் அதற்கு எதிர்ப்புப் போராட்டமாக விடுதலைச் சிறுத்தைகள் கட்சியினர் இன்று போராட்டத்தை அறிவித்திருந்தனர். மதுரை மாவட்ட ஆட்சியர் அலுவலகம் முன்பாக திரண்டிருந்த பாஜகவினரை கண்டித்து விடுதலைச் சிறுத்தைகள் கட்சியினர் மாவட்டப் பொறுப்பாளர் பாண்டியம்மாள் தலைமையில் அக்கட்சியினர் முழக்கம் எழுப்பினர்.

அச்சமயம் பாஜக கொடியுடன் கார் ஒன்று மதுரை மாவட்ட ஆட்சியர் அலுவலகத்தின் எதிரே சென்றது. அதனை வழிமறித்த விடுதலைச் சிறுத்தைகள் கட்சியினர், காரினை தாக்க முற்பட்டனர்.

அப்போது காரின் முன்புறம் இருந்த பாஜகவின் கோடி உடைக்கப்பட்டது. இதனைத்தொடர்ந்து விடுதலைச் சிறுத்தைகள் கட்சியினரை கைதுசெய்த காவல் துறையினர் வேனில் ஏற்றி அழைத்துச் சென்றனர். இந்தச் சம்பவம் காரணமாக மாவட்ட ஆட்சியர் வளாகத்தில் பரபரப்பு ஏற்பட்டது.

இதையும் படிங்க:திருமாவளவன் மன்னிப்பு கேட்கும் வரை போராட்டம் தொடரும் - குஷ்பு!