மதுரை திருமங்கலம் அருகே உள்ள வடக்கம்பட்டி கிராமத்தில் உள்ள ஸ்ரீமுனியாண்டிசுவாமி திருக்கோயிலில், ஆண்டுதோறும் தைமாதம் வளர்பிறை வெள்ளிக்கிழமையன்று பிரியாணி திருவிழா வெகுவிமர்ச்சையாக நடைபெறும். அதேபோல், 85ஆவது ஆண்டாக நடைபெற்ற விழாவில் பக்தர்கள் ஒருவாரம் காப்புகட்டி விரதம் மேற்கொண்டனர்.
முனியாண்டி கோயில் திருவிழா
நேற்று காலை விரதம் மேற்கொண்ட பக்தர்கள், பால்குடம் எடுத்து சுவாமிக்கு அபிஷேகம் ஆராதனையுடன், சிறப்பு பூஜைகள் செய்து வழிபட்டனர். மாலை நடைபெற்ற விழாவில் கோயில் நிலைமாலையுடன் பக்தர்கள் அனைவரும் தங்களது இல்லங்களிலிலிருந்து எடுத்துவந்த தேங்காய், பழம், பூத்தட்டுகளை தலையில் சுமந்தபடி ஊர்வலமாக வந்து நிலைமாலையை கோயிலில் வைத்து சுவாமிக்கு தேங்காய் உடைத்து தரிசனம் செய்தனர்.
பக்தர்களுக்கு தயாராகும் பிரியாணி