போத்தனூர் ரயில் நிலையத்தின் பராமரிப்புப் பணி - ரயில் சேவைகளில் மாற்றம்!

போத்தனூர் ரயில் நிலைய பாலத்தில் நடைபெறும் பராமரிப்புப் பணிகள் காரணமாக ரயில் சேவைகளில் மாற்றம் செய்யப்பட்டுள்ளது என தெற்கு ரயில்வே அறிவித்துள்ளது.

மதுரை: ’’போத்தனூர் ரயில் நிலையத்தில் உள்ள ஒரு பாலத்தின் இரும்பு கர்டர்களை மாற்றும் பணிகள் நடப்பதால் ஏப்.28 மற்றும் ஏப்.30 ஆகிய இரு நாட்களில் மட்டும் கீழே விவரிக்கப்பட்டுள்ளபடி ரயில் சேவைகளில் மாற்றங்கள் செய்யப்பட உள்ளன.

மதியம் 12:15 மணிக்கு கோயம்புத்தூர் சென்றடையும் மதுரை - கோயம்புத்தூர் ரயில் (ரயில் எண்.16722) ஏப்.28 மற்றும் ஏப்.30 ஆகிய இரு நாட்களில் மட்டும் மதுரையில் இருந்து போத்தனூர் வரை மட்டுமே இயக்கப்படும். போத்தனூர் - கோயம்புத்தூர் இடையே ஏப்ரல் 28 மற்றும் 30 ஆகிய 2 நாட்கள் மட்டும் இயக்கப்படாது.

கோயம்புத்தூர் ரயில் நிலையத்திலிருந்து 14:40 மணிக்குப் புறப்படும் கோயம்புத்தூர் மதுரை ரயில் (வண்டி எண்: 16721) ஏப்.28 மற்றும் ஏப்.30 ஆகிய தேதிகளில் கோயம்புத்தூருக்கு பதிலாக போத்தனூரில் இருந்து 14:52 மணிக்குப் புறப்படும். ஏப்ரல் 28 மற்றும் 30 ஆகிய இரு நாட்களில் மட்டும் கோயம்புத்தூர் - போத்தனூர் இடையே ரயில் இயக்கப்படாது’’ என தெற்கு ரயில்வே அறிவிப்பினை வெளியிட்டுள்ளது.

இதையும் படிங்க:கேரளா வந்தே பாரத் ரயிலில் கொட்டித் தீர்த்த கனமழை! பயணிகள் அதிர்ச்சி!