மதுரை தல்லாகுளம் பகுதியில் உள்ள லெட்சுமி சுந்தரம் ஹாலில் தமிழ்நாடு மின்சார வாரியத்தின் சார்பில் மின் கட்டண உயர்வு குறித்த கருத்துகேட்பு கூட்டத்தில் மதுரை மாவட்ட குறு மற்றும் சிறுதொழில்கள் சங்கமான மடீட்சியா அமைப்பினர் மின் கட்டண உயர்வுக்கு எதிரான தங்களது கோரிக்கைகள் குறித்து எடுத்துரைத்து அதனை மனுவாக வழங்கினா்.
இதனை தொடர்ந்து செய்தியாளர்களை சந்தித்த மடீட்சியா அமைப்பின் தலைவர் சம்பத் பேசியபோது, தமிழ்நாடு மின்வாரிய ஒழுங்குமுறை ஆணையத்தின் மின் கட்டண உயர்வு அறிவிப்பால் குறு சிறு தொழில் நிறுவனத்தினர் கடும் பாதிப்புக்குள்ளாவர். குறு சிறு தொழில் நிறுவனத்திற்கான நிரந்தர கட்டணம் ஆண்டுக்கு 7 லட்சம் ரூபாயை தாண்டி அதிகரித்துள்ளது. இதேபோன்று மின் கட்டணமும் உயர்ந்துள்ளதால் தொழில் நிறுவனங்கள் கடுமையாக பாதிக்கப்பட்டு முடங்கும் நிலை உள்ளது.
மடீட்சியா நிர்வாகிகள்