சாய்பாபா கோயிலில் ஆர்எஸ்எஸ் தலைவர் மோகன் பகவத் ஆலோசனை!

சத்யசாய் நகரிலுள்ள சாய்பாபா கோயிலில் நடந்த ஆலோசனைக் கூட்டத்தில் ஆர்எஸ்எஸ் தலைவர் மோகன் பகவத் கலந்துகொண்டார்.

மதுரையில் நடைபெறும் நிகழ்ச்சிகளில் பங்கேற்கும் பொருட்டு ஆர்எஸ்எஸ் தலைவர் மோகன் பகவத் நேற்றிரவு (ஜூலை 22) மதுரைக்கு வருகை தந்தார். சத்திய சாய் நகரிலுள்ள பிரமுகர் ஒருவரது வீட்டில் பலத்த பாதுகாப்புடன் தங்கியுள்ளார்.

இதையடுத்து, இன்று (ஜூலை 23) சத்யசாய் நகரில் அமைந்துள்ள சாய்பாபா கோயிலில் தனது சகாக்களுடன் கலந்துரையாடினார். இதனால், அப்பகுதியில் சுமார் 250க்கும் மேற்பட்ட காவல் துறையினர் பாதுகாப்பு பணியில் ஈடுபடுத்தப்பட்டுள்ளனர்.

கன்னியாகுமரி செல்லும் மோகன் பகவத்

ஆர்எஸ்எஸ் தலைவர் மோகன் பகவத் பங்கேற்கும் எந்த நிகழ்ச்சியிலும் ஊடகத் துறையினருக்கு அனுமதி அளிக்கப்படவில்லை.

ஜூலை 26ஆம் தேதி வரை இங்கு நடைபெறுகின்ற பல்வேறு கலந்துரையாடல் கூட்டங்களில் பங்கேற்கிறார். இதையடுத்து, 26ஆம் தேதியன்று பிற்பகல் கன்னியாகுமரிக்கு புறப்பட்டுச் செல்லவுள்ளார்.

இதையும் படிங்க: ஆர்எஸ்எஸ் கூட்டம் நிறைவு- பரபரப்பு தகவல்கள்!