மதுரை மாவட்டம் பாலமேட்டில் அரசு கால்நடை மருத்துவமனை உள்ளது. 40 ஆண்டுகள் பழமை வாய்ந்த இந்த கட்டடத்தின் பல பகுதிகள் சேதமடைந்து காணப்படுகிறது. அடிக்கடி மேற்கூரையும் பெயர்ந்து விழுகிறது. இதனால் உயிர் பயத்துடன் மருத்துவர்கள் கட்டடத்துக்கு வெளியே நின்றவாறு கால்நடைகளுக்கு சிகிச்சையளித்து வருகின்றனர்.
கட்டடத்தின் மேற்கூரை இடிந்து விழுந்தபோது, மருத்துவர், ஊழியர்கள் வெளியில் கால்நடைக்கு சிகிச்சை அளித்துக் கொண்டிருந்ததால் அதிர்ஷ்டவசமாக உயிர் தப்பினர்.
இதனை சீரமைக்க வேண்டும் என பலமுறை இம்மருத்துவமனையின் மருத்துவர்கள், ஊழியர்கள் உயர் அலுவலலர்களுக்கு முறையிட்டுள்ளனர். ஆனால் கட்டடம் சீரமைப்பதற்கான எந்த நடவடிக்கையும் எடுக்கப்படவில்லை.
இடிந்து விழும் கால்நடை மருத்துவமனை மேற்கூரை