சிப் வடிவில் பாஸ்போர்ட் வழங்க திட்டம்: அருண்பிரசாத்

மதுரை: வரும் காலங்களில் சிப் வடிவில் பாஸ்போர்ட் வழங்க திட்டமிடப்பட்டுள்ளது என்று மதுரை மண்டல பாஸ்போர்ட் அலுவலர் அருண்பிரசாத் கூறினார்.

மதுரை மண்டல பாஸ்போர்ட் அலுவலர் அருண்பிரசாத் கூறியதாவது, ஆன்லைன் மூலம் பாஸ்போர்ட் விண்ணப்பிக்கும் போது மக்கள் தங்களுக்கு விருப்பமான மையங்களை தாங்களே தேர்வுசெய்து கொள்ளலாம். போலியான இணையதளங்களை பொதுமக்கள் யாரும் நம்பி ஏமாற வேண்டாம். போலியான இணையதளம் உருவாக்குபவர்களை கண்டறிந்து அவர்கள் மீது நடவடிக்கை எடுக்கப்பட்டு வருகிறது. தற்போது பாஸ்போர்ட் விண்ணப்பிக்கும் முறை மிகவும் எளிமையாக்கப்பட்டுள்ளது, முகவரை நம்பவேண்டாம் பொதுமக்களே நேரடியாக விண்ணப்பிக்கலாம்.

M - Passport முறையால் விரைவாக ஏழு நாட்களில் பாஸ்போர்ட் வழங்கப்பட்டு வருகிறது. 15 வயதிற்குள் இருப்பவர்கள், 60 வயதிற்கு மேல் இருப்பவர்கள் மட்டுமே உதவிக்கு உறவினர்களை அழைத்து வர அனுமதி உண்டு. மற்றவர்களுடன் உறவினர் யாரும் வரும் பட்சத்தில் அலுவலகத்தின் வெளியே அவர்களுக்கு எந்த வசதியும் செய்து தரப்படாது.

ஜனவரி முதல் செப்டம்பர் 30ஆம் தேதி வரை 1,90,000 பேர் பாஸ்போர்டு பெற்றுள்ளனர். கன்னியாகுமரி மற்றும் ராமநாதபுரம் மாவட்டங்களில் அதிக எண்ணிக்கையில் விண்ணப்பிக்கின்றனர். வரும் காலங்களில் சிப் வடிவில் பாஸ்போர்ட் வழங்க திட்டமிடப்பட்டுள்ளது. அதற்கான பணிகள் தற்போது நடைபெற்று வருகிறது என்றார்.

இதையும் படிங்க: விமான நிலையத்துக்கு விசிட் அடித்த 123 வயது தாத்தா! - வியந்து பார்த்த அலுவலர்கள்