மதுரை: விமான நிலையம் செல்லும் சாலையில் உள்ள வெள்ளக்கல் கழுங்கடி முனியாண்டி கோவில். 35-வது ஆண்டுவிழா நடைபெற்றது. இதற்காக 470 ஆடுகளை வெட்டி நேற்று(மே20) இரவு முழுவதும் கோவிலுக்கு வருகை தந்த பக்தர்களுக்கு அன்னதானமாக வழங்கப்பட்டது.
மதுரையில் முனியாண்டி திருவிழா: 470 ஆடுகளை வெட்டி 10 ஆயிரம் பேருக்கு கறிவிருந்து!
இந்த கோவிலில் பக்தர்கள் தங்கள் வேண்டுதலை நிறைவேற்றும் பொருட்டு நேர்த்திக்கடனாக முனியாண்டி சுவாமிக்கு ஆடுகளை பலியிடுவதாக வேண்டிக் கொள்கின்றனர். முனியாண்டி கோவிலில் இரண்டு ஆண்டுகளுக்கு ஒரு முறை இங்கே கறிவிருந்து நடைபெறுவது வழக்கமாக உள்ளது. அந்த வகையில் பக்தர்கள் நேர்த்திக் கடனாக வழங்கிய ஆடுகளை இரவு முழுவதும் வெட்டி சமைத்து காலையில் கோவிலுக்கு வரும் பக்தர்களுக்கு அன்னதானம் வழங்கப்படுகிறது.