மதுரை:என்ஐடி கல்வி நிறுவனங்களின் அலுவலர் தேர்வுகளில் இந்தி கட்டாயம் என்பதை திரும்ப பெறப்பட்டுள்ளது குறித்து நாடாளுமன்ற உறுப்பினர் சு.வெங்கடேசன் தனது சமூக வலைதளப் பக்கத்தில் இன்று (ஆகஸ்ட் 30) வெளியிட்டுள்ள அறிக்கையில் கூறியிருப்பதாவது, "மத்திய அரசின் கல்வி நிறுவனங்களில் ஆசிரியரல்லாத அலுவலர் நியமனத் தேர்வுகளில் இந்தி மொழித் தேர்வை கட்டாயம் என்னும் அறிவிப்பை தேசிய தேர்வு முகமை (National Testing Agency) கடந்த ஆகஸ்ட் 17 அன்று வெளியிட்டது.
ராய்ப்பூர், ஜாம்ஷெட்பூர், கோழிக்கோடு, சூரத்கல், ராஞ்சி, ஹமிர்பூர், சில்சார், குருச்சேத்திரா ஆகிய என்ஐடிக்கள், ஜெய்ப்பூரில் உள்ள எம்என்ஐடி ஆகிய நிறுவனங்களில் உள்ள காலியிடங்களை நிரப்பப்படுவதற்கான அறிவிக்கையில், இந்தி மொழித் தேர்வு கட்டாயம் ஆக்கப்பட்டது, தமிழ்நாடு உள்ளிட்ட இந்தி பேசாத மாநிலங்களின் தேர்வர்களை அதிர்ச்சி அடைய வைத்ததுள்ளது" என தெரிவித்து இருந்தார்.
அதில் இந்தி மொழித் தேர்வு கட்டாயம் ஆக்கப்பட்டுள்ளது. 20 சதவீதம் மற்றும் 30 சதவீதம் மதிப்பெண்கள் ஆங்கிலம் மற்றும் இந்தி மொழித் தேர்வுகளுக்கு தரப்பட்டுள்ளது. ஆங்கிலம், இந்தி என மதிப்பெண் விபரம் பிரித்து தரப்படாததைக் குறிப்பிட்டு, இது தமிழ்நாடு உள்ளிட்ட இந்தி பேசாத மாநிலங்களைச் சேர்ந்த தேர்வர்களுக்கு இழைக்கப்படும் அநீதி ஆகும் என்று தெரிவித்து இருந்தார்.