மு.க.அழகிரி பெயரில் போலி ட்விட்டர் கணக்குகள் குறித்த புகார்.

மதுரை: தனது பெயரில் போலியான ட்விட்டர் கணக்குகள் உருவாக்கப்பட்டுள்ளதாகவும், அவ்வாறு உருவாக்கிய நபர்கள் மீது நடவடிக்கை எடுக்க வேண்டும் என முன்னாள் மத்திய அமைச்சர் மு.க.அழகிரி காவல் ஆணையரிடம் புகார் அளித்துள்ளார்.

திமுகவின் முன்னாள் தென் மண்டல அமைப்பாளரும், முன்னாள் மத்திய அமைச்சருமான மு.க.அழகிரி, தனது பெயரில் போலியான ட்விட்டர் கணக்குகள் உருவாக்கப்பட்டுள்ளதாகவும், அவ்வாறு உருவாக்கிய நபர்கள் மீது நடவடிக்கை எடுக்கவும் மதுரை மாநகர காவல் ஆணையரிடம் புகார் அளித்துள்ளார்.

இதுகுறித்து அவர் வெளியிட்டுள்ள செய்தி அறிக்கையில், "மதுக்கடைகளை மீண்டும் திறந்தால் மீண்டும் ஆட்சிக்கு வரும் கனவை மறந்து விடுங்கள்' என்று நண்பர் ரஜினிகாந்த் ட்விட்டர் பதிவு ஒன்றை வெளியிட்டுள்ளார்.

அந்தக் கருத்தை நான் ஆதரிப்பது போன்று என் படத்தோடு ட்விட்டரில் சிலர் பரப்பி வருகிறார்கள். அதுகுறித்து நான் எந்தக் கருத்தையும் தெரிவிக்கவில்லை. எனக்கு சமூக வலைத்தளங்களில் எந்த கணக்கும் இல்லை. அதை நான் பயன்படுத்தவும் இல்லை" எனக் குறிப்பிட்டுள்ளார்.

இதையும் படிங்க:47 நாள்களுக்குப் பிறகு இயல்பு நிலைக்குத் திரும்பிய புரசைவாக்கம்!