முதலமைச்சர் பழனிசாமியை புகழ்ந்து தள்ளிய அமைச்சர்!

மதுரை: பாரத பிரதமரையும், சீனா அதிபரையும் தமிழகத்திற்கு அழைத்து வந்து தமிழன் புகழை உலகறிய செய்த ”ஓய்வில்லா உழைப்பாளி”’ என்று முதலமைச்சர் பழனிசாமியை அமைச்சர் ஆர்.பி. உதயகுமார் புகழ்ந்துள்ளார்.

மதுரை விரகனூர் பகுதியிலுள்ள தனியார் பொறியியல் கல்லூரியில் மாணவர் திறன் மேம்பாட்டு பயிற்சி முகாமில் வருவாய்த்துறை அமைச்சர் ஆர்.பி. உதயகுமார், மாவட்ட ஆட்சியர் வினய், மாநகராட்சி ஆணையாளர் விசாகன், மாநகர காவல் ஆணையர் டேவிட்சன் தேவாசீர்வாதம் ஆகியோர் கலந்துகொண்டனர். இந்நிகழ்ச்சியில் 2500க்கும் மேற்பட்ட மாணவ - மாணவிகள் கலந்து கொண்டனர்.

இந்நிகழ்ச்சிக்குப் பின்னர் செய்தியாளர்களிடம் பேசிய அமைச்சர் உதயகுமார், மாணவ சமுதாயத்தின் விடிவெள்ளி, இளைய சமுதாயத்தின் வழிகாட்டி என்று முதலமைச்சர் பழனிசாமியை வெகுவாகப் பாராட்டினார். மேலும் பாரத பிரதமரையும், சீனா அதிபரையும் தமிழகத்திற்கு அழைத்து வந்து தமிழன் புகழை உலகறிய செய்த ”ஓய்வில்லா உழைப்பாளி” என்றும் முதலமைச்சரை புகழ்ந்து தள்ளினார்.

அன்பின் அடையாளம் தமிழக முதலமைச்சர் எடப்பாடி பழனிச்சாமி என்றும், அவரின் வெற்றி பயணம் தொடர வேண்டுமென்றும் உதயகுமார் தெரிவித்துள்ளார்.

இதையும் படிங்க: 'அமைச்சர் ராஜேந்திர பாலாஜி ஒரு மதத்தைப் பற்றி பேசியது தவறு' - கனிமொழி!