101 சவரன் தங்க அங்கியில் ஜொலிக்கும் மதுரை பெண் மேயர்!!!

மதுரை மாநகராட்சியின் மேயராக திமுக வேட்பாளர் இந்திராணி இன்று(மார்ச்.4) பதவியேற்றார். அப்போது இந்திராணி அணிந்திருந்த 101 சவரன் தங்க அங்கி காண்போரை வியக்க செய்தது.

மதுரை: மதுரையில் நடைபெற்று முடிந்த நகர்ப்புற உள்ளாட்சித் தேர்தலில், திமுக கூட்டணி மதுரை மாநகராட்சியில் 80 விழுக்காடு இடங்களை கைப்பற்றியது. இதையடுத்து திமுக வேட்பாளர் இந்திராணி மதுரை மேயர் வேட்பாளராக அறிவிக்கப்பட்டார். அதன்படி இன்று (மார்ச் 4) மதுரை மாநகராட்சி மேயராக பதவியேற்றார்.

அப்போது மதுரை மாநகராட்சியின் பாரம்பரிய உடையான 101 சவரன் தங்க அங்கியை அணிந்து மாமன்ற நடவடிக்கைகளை மேற்கொண்டார். 2016ஆம் ஆண்டுக்கு பின்னர் மதுரையின் மாமன்ற நடவடிக்கைகள் நடைபெறவில்லை. இதனால் தங்க அங்கியானது மதுரை மாநகராட்சி பெட்டகத்தில் வைக்கப்பட்டிருந்தது. நீண்ட நாள்களுக்கு பிறகு இந்திராணிஅணிந்தார்.

மேலும் மறைந்த முதலமைச்சர் எம்ஜிஆர் காலத்தில் மதுரையின் முதல் மேயராக முத்து என்பவர்பணியாற்றினார். இவரை தொடர்ந்து ராஜன் செல்லப்பா வரை ஏழு பேர் பணியாற்றியுள்ளனர். அதன்படி இந்திராணி மதுரை மாநகராட்சியின் 8ஆவது மேயர். குறிப்பாக இரண்டாவது பெண் மேயர். முன்னதாக மதுரை மேயர் பதவியை தேன்மொழி கோபிநாதன் எனும் பெண் வகித்துள்ளார்.

இதையும் படிங்க:சென்னை மேயராக பதவியேற்றார் பிரியா...!