மதுரை மாவட்டம் திருமங்கலம் தாலுகா மேலப்பட்டியைச் சேரந்த பத்திற்கும் மேற்பட்ட குடும்பத்தினர் பனை சார்ந்த தொழிலை நடத்தி வருகின்றனர். இவர்கள், கோடை காலங்களில் மதுரையின் முக்கிய இடங்களில், சாலையோரக் கடைகள் அமைத்து நுங்கு, பதநீர் உள்ளிட்டவற்றை விற்பனை செய்து வாழ்வாதாரத்தை நடத்திவந்தனர்.
கட்ராம்பட்டி பகுதியில் நான்கு மாதங்கள் தங்கி தொழிலை மேற்கொள்ளும் இவர்கள் கடந்த 2 மாதங்களாக அமல்படுத்தப்பட்ட ஊரடங்கினால் சிரமத்திற்கு உள்ளாகியிருக்கின்றனர். பதநீரிலிருந்து காய்ச்சும் பனங்கருப்பட்டியை விற்பனை செய்வதற்கும் போதிய போக்குவரத்து இல்லாததால் கடும் வேதனைக்கு உள்ளாகியுள்ளனர்.
கரோனா ஊரடங்கால் வாழ்வாதரம் இழந்துள்ள பனைத் தொழிலாளர்கள்