மதுரை:மீனாட்சியம்மன் கோயிலில் தற்போது ஆனி ஊஞ்சல் உற்சவம் நடைபெற்று வருகிறது. இதன் ஐந்தாம் நாள் நேற்று (ஜுன் 19) கொண்டாடப்பட்டது. கரோனா தொற்று காரணமாக கோயில்களின் நடை சாத்தப்பட்டிருப்பதால் பொதுமக்களுக்கு உள்ளே செல்ல அனுமதி மறுக்கப்பட்டுள்ளது.
இருந்தபோதிலும், சம்பிரதாய அடிப்படையில் கோயிலின் வளாகத்திற்குள்ளேயே திருவிழா உற்சவங்கள் நடைபெற்று வருகின்றன. அந்த வகையில் ஆனி ஊஞ்சல் உற்சவத்தின் ஐந்தாம் நாளான நேற்று மீனாட்சி சுந்தரேஸ்வரர் ஊஞ்சலில் அமர்ந்தவாறு அருள்காட்சி தந்தனர்.